DİO əməkdaşları tərəfindən vətəndaşlardan narkotik vasitələr götürülmüşdür

23.07.2008

Həyata keçirilmiş əməliyyat tədbirləri nəticəsində Xətai RPİ 37-ci PB əməkdaşları Naxçıvan şəhər sakini, əvvəllər məhkum olunmuş Samiq Babayevdən 0,624 qram, Cavanşir Qulubəyovdan isə 0,241 qram heroin, Culfa rayon sakini, əvvəllər məhkum olunmuş Zakir Xudiyevdən 0,411 qram heroin, Lənkəran ŞRPŞ əməkdaşları şəhər sakini, əvvəllər məhkum olunmuş Samid Həbibovdan 0,457 qram heroin götürmüşlər. 
Bakı BPİ-nin Narkotiklərlə Mübarizə İdarəsi əməkdaşlarının keçirdikləri əməliyyat tədbirləri nəticəsində Yeni Ramana qəsəbə sakini, əvvəllər məhkum olunmuş İsmayıl Aslanov 51,277 qram heroini satarkən tutulmuşdur. 
Nizami RPİ və Ədliyyə Nazirliyinin Penitensiar Xidməti əməkdaşlarının birgə keçirdikləri əməliyyat tədbirləri nəticəsində Penitensiar Xidmətin 1 saylı Cəzaçəkmə Müəssisəsində, orada cəza çəkən İbrahim Quliyev üçün gətirilmiş sovqatın içərisindən 4,488 qram heroin aşkar edilərək götürülmüşdür. İ.Quliyevə narkotik maddəni gətirmiş Bakı şəhər sakini Zaur Bayramov tutulmuşdur.