DİO əməkdaşları tərəfindən vətəndaşlardan narkotik vasitələr götürülmüş və yabanı halda bitmiş çətənə kolu yığılaraq məhv edilmişdir

15.07.2008

Həyata keçirilmiş əməliyyat tədbirləri nəticəsində DİN Baş Narkotiklərlə Mübarizə İdarəsinin Cənub Bölgəsində Regional Şöbəsi və Baş Mühafizə İdarəsi əməkdaşları Lənkəran rayon sakini, əvvəllər məhkum olunmuş Əziz Məmmədovdan 2,22 qram heroin, Baş Mühafizə İdarəsi və Şirvan ŞPŞ əməkdaşları şəhər sakini Ceyhun Əliyevdən 0,06 qram heroin, Mingəçevir ŞPŞ əməkdaşları şəhər sakini Zülfüqar Məmmədovdan 0,2 qram heroin götürmüşlər.  
Gədəbəy RPŞ əməkdaşları tərəfindən Daşbulaq kəndindən yabanı halda bitmiş, çəkisi 583 kiloqram olan 565 ədəd çətənə kolu yığılaraq məhv edilmişdir.