DİO əməkdaşları tərəfindən vətəndaşlardan narkotik vasitələr götürülmüş və yabanı halda bitmiş çətənə və xaşxaş kolları yığılaraq məhv edilmişdir

13.07.2008

Həyata keçirilmiş əməliyyat tədbirləri nəticəsində Suraxanı RPİ 33-cü PB əməkdaşları Yeni Günəşli qəsəbə sakini Gündüz Əliyevdən 0,332 qram heroin, Xətai RPİ 37-ci PB əməkdaşları Bakı şəhər sakini, əvvəllər məhkum olunmuş Asif Yusifovdan 0,229 qram heroin, Masallı RPŞ əməkdaşları Elxan Abdullayevin evinə baxış zamanı 0,421 qram heroin, 3 ədəd "Tranid" həbi, 2 ədəd istifadə olunmuş şpris və 1 ədəd narkotik vasitəni hazırlamaq üçün şüşə qab, Şirvan ŞPŞ əməkdaşları şəhər sakini Məhərrəm Rzayevdən 0,316 qram heroin, Yevlax RPŞ əməkdaşları rayon sakini Tofiq Eyvazovdan 0,300 qram heroin götürmüşlər. 
DİN Baş Narkotiklərlə Mübarizə İdarəsi və Tovuz RPŞ əməkdaşları tərəfindən Yanıxpəyə kəndindən yabanı halda bitmiş, çəkisi 1435 kiloqram olan 1853 ədəd, DİN Baş Narkotiklərlə Mübarizə İdarəsinin Qərb Bölgəsində Regional Şöbəsi və Xocalı RPŞ əməkdaşları tərəfindən Goranboy rayonunun Meşəli kəndindən yabanı halda bitmiş, çəkisi 4275 kiloqram olan 875 ədəd çətənə, Gədəbəy RPŞ əməkdaşları tərəfindən Slavyanka kəndindən yabanı halda bitmiş, çəkisi 414 kiloqram olan 1418 ədəd xaşxaş kolları yığılaraq məhv edilmişdir.