Xırdalan şəhər sakini Çingiz Əliməmmədova qarşı soyğunçuluq etmiş Sədərək rayon sakinləri Elməddin Nəsirov və Musa Fətullayev tutulmuşlar

12.07.2008

İyulun 12-də saat 15.00 radələrində 2 naməlum şəxs Tbilisi prospektində Xırdalan şəhər sakini Çingiz Əliməmmədovun idarə etdiyi "Toyota-Yaris" markalı avtomaşına sərnişin qismində oturub Sulutəpə qəsəbəsinə gedəcəklərini bildirmişlər. Sulutəpə qəsəbəsində onlar Ç.Əliməmmədovu bıçaqla hədələyərək ondan 86 manatını və mobil telefonunu almışlar. Binəqədi RPİ 40-cı PB əməkdaşlarının keçirdikləri əməliyyat-axtarış tədbirləri nəticəsində hadisəni törətmiş Sədərək rayon sakinləri Elməddin Nəsirov və Musa Fətullayev tutulmuşlar.