DİO əməkdaşları tərəfindən vətəndaşlardan narkotik vasitələr götürülmüş və yabanı halda bitmiş çətənə kolları məhv edilmişdir

10.07.2008

Həyata keçirilmiş əməliyyat tədbirləri nəticəsində Qaradağ RPİ 11-ci PB əməkdaşları Qobustan qəsəbə sakini Emil Hüseynova məxsus "VAZ-2106" markalı avtomaşına baxış zamanı 71,25 qram marixuana, Neftçala RPŞ əməkdaşları Qaraqaşlı kənd sakini, əvvəllər məhkum olunmuş Etibar Eyvazovdan 0,2 qram heroin, Ağsu RPŞ əməkdaşları rayon sakini Ceyhun Zamanovdan 12,6 qram xaşxaş, Yevlax RPŞ əməkdaşları rayon sakinləri Akif Məmmədovdan 1,088 qram heroin, Azad Vəliyevdən 0,218 qram heroin götürmüşlər.  
DİN Baş Narkotiklərlə Mübarizə İdarəsinin Qərb Bölgəsində Regional Şöbəsi və Göygöl RPŞ əməkdaşları tərəfindən rayon ərazisində yabanı halda bitmiş, çəkisi 2 ton 529 kiloqram olan 4146 ədəd, Zaqatala RPŞ və Dövlət Sərhəd Xidməti əməkdaşları tərəfindən Kəpənəkçi kəndindən yabanı halda bitmiş, çəkisi 3200 kiloqram olan 7650 ədəd  çətənə kolları yığılaraq məhv edilmişdir.