DİO əməkdaşları tərəfindən vətəndaşlardan narkotik vasitələr götürülmüşdür

25.06.2008

Həyata keçirilmiş əməliyyat tədbirləri nəticəsində Nərimanov RPİ əməkdaşları İlham Hüseynovdan 1,939 qram heroin, Sumqayıt ŞPİ əməkdaşları Köhnə Kotec qəsəbə sakini, əvvəllər məhkum olunmuş Nofil Qocayevin evinə baxış zamanı 2,477 qram heroin və 15 ədəd müxtəlif çaplı patron, H.Z.Tağıyev qəsəbə sakini Pərviz Əşrəfovdan 10,49 qram həşiş götürmüşlər. Tərtər RPŞ əməkdaşlarının keçirdikləri əməliyyat tədbirləri nəticəsində İsmayılbəyli kənd sakini Həmayıl Bəşirovanın həyətyanı sahəsindən kultivasiya yolu ilə yetişdirilmiş, çəkisi 23 kiloqram olan 137 ədəd kənaf kolu aşkar edilərək götürülmüşdür. DİN Baş Narkotiklərlə Mübarizə İdarəsinin Qərb Bölgəsində Regional Şöbəsi və Ağstafa RPŞ əməkdaşları tərəfindən Qarayazı kəndindən yabanı halda bitmiş, çəkisi 5280 kiloqram olan 8618 ədəd, Samux RPŞ və rayon prokurorluğu əməkdaşları tərəfindən Alabaşlı qəsəbəsindən yabanı halda bitmiş, çəekisi 1 ton 50 kiloqram olan 1000 ədəd, Qusar RPŞ əməkdaşları tərəfindən Kufoba kəndinin ərazisindən yabanı halda bitmiş, çəkisi 2075 kiloqram olan 154 ədəd, Zaqatala RPŞ əməkdaşları tərəfindən Əlibayramlı kəndindən yabanı halda bitmiş, çəkisi 2330 kiloqram olan 4510 ədəd çətənə kolları yığılaraq məhv edilmişdir.