DİO əməkdaşları tərəfindən vətəndaşlardan narkotik vasitələr götürülmüşdür
23.06.2008Həyata keçirilmiş əməliyyat tədbirləri nəticəsində Səbail RPİ əməkdaşları Bakı şəhər sakini Əli Quliyevin idarə etdiyi "Azsamand" markalı avtomaşına baxış zamanı 7,5 qram marixuana götürmüşlər. Sabirabad RPŞ əməkdaşlarının keçirdikləri əməliyyat tədbirləri nəticəsində rayon sakini Zəkulla Hüseynovdan 6 qram marixuana götürülmüşdür. Narkotik vasitənin ona Kürkəndi kənd sakini, əvvəllər məhkum olunmuş Etibar Qəribov tərəfindən, E.Qəribova isə Sabirabad rayon sakini, əvvəllər məhkum olunmuş Əflan Abbasov tərəfindən satılması müəyyən edilmişdir. E.Qəribov və Ə.Abbasov tutulmuşlar. Zaqatala RPŞ əməkdaşları tərəfindən Aşağı Tala kəndindən yabanı halda bitmiş, çəkisi 1 ton 720 kiloqram olan 3840 ədəd çətənə kolu yığılaraq məhv edilmişdir.
Çap et