DİO əməkdaşları tərəfindən vətəndaşlardan narkotik vasitələr götürülmüş və yabanı halda bitmiş çətənə kolları məhv edilmişdir

14.06.2008

Həyata keçirilmiş əməliyyat tədbirləri nəticəsində Nərimanov RPİ əməkdaşları Bakı şəhər sakini Nurlan Məmmədovdan 0,234 qram heroin götürmüşlər. Bakı BPİ Narkotiklərlə Mübarizə İdarəsi əməkdaşlarının keçirdikləri əməliyyat tədbirləri nəticəsində Bakı şəhər sakini Məmməd Hüseynovdan 0,242 qram heroin götürülmüşdür. Narkotik vasitəni ona satmış Ramana qəsəbə sakini İlham Nuriyev tutulmuş, ondan 1,806 qram heroin götürülmüşdür. Suraxanı RPİ 33-cü PB əməkdaşlarının keçirdikləri əməliyyat tədbirləri nəticəsində Yeni Günəşli qəsəbə sakini Zaur Əliyevdən 0,541 qram heroin götürülmüşdür. Narkotik vasitəni ona satmış Bakı şəhər sakini Qalib Quliyev tutulmuş, ondan 0,231 qram heroin götürülmüşdür. Sabunçu RPİ əməkdaşlarının keçirdikləri əməliyyat tədbirləri nəticəsində qəsəbə sakini Raisa Şadrinanın həyətyanı sahəsindən kultivasiya yolu ilə yetişdirilmiş, çəkisi 2 kiloqram 130 qram olan 65 ədəd xaş-xaş kolu aşkar edilərək götürülmüşdür. R.Şadrinanın evinə baxış zamanı 686 qram xaş-xaş götürülmüşdür. DİN Nəqliyyatda Baş Polis İdarəsi əməkdaşları tərəfindən Saloğlu-Poylu mənzilinin 69-cu km-də yabanı halda bitmiş, çəkisi 285 kiloqram olan 215 ədəd, Ağdaş RPŞ əməkdaşları tərəfindən Yuxarı Ləki kəndində yabanı halda bitmiş, çəkisi 1 ton 103 kiloqram olan 2238 ədəd çətənə kolu yığılaraq məhv edilmişdir.