Abşeron rayonunun Güzdək qəsəbəsində yol-nəqliyyat hadisəsi

13.06.2008

Saat 08.00 radələrində Abşeron rayonunun Güzdək qəsəbəsində, Bakı şəhər sakini Eldəniz Abdulovun idarə etdiyi "Tofaş" markalı və İsmayıllı rayon sakini İlqar Şıxalıyevin idarə etdiyi "Ford" markalı avtomaşınlar toqquşmuşlar. Nəticədə E.Abdulovun sərnişini, Bakı şəhər sakini Rəşad Cələlov hadisə yerində ölmüş, xəsarət almış E.Abdulov və "Ford" markalı avtomaşının sərnişinləri, İsmayıllı rayon sakinləri Leyla Allahverdiyeva, Arzu Allahverdiyeva, Mehbarə Osmanova, Fazil Allahverdiyev, Şəfa Nəzərov, Aqşin Rəsulov, İntiqam Vavayev, Elnur Qasımov və onun qızı Nurcan xəstəxanaya yerləşdirilmişlər. Onlardan 7 nəfərinə ilkin tibbi yardım göstərildikdən sonra buraxılmış, digərlərinin vəziyyətləri isə orta-ağırdır. Abşeron RPŞ tərəfindən araşdırmalar aparılır.