DİO əməkdaşları tərəfindən vətəndaşlardan narkotik vasitələr götürülmüş və çətənə kolları məhv edilmişdir

06.06.2008

Həyata keçirilmiş əməliyyat tədbirləri nəticəsində Bakı BPİ-nin Narkotiklərlə Mübarizə İdarəsi əməkdaşları Bakı şəhər sakini, əvvəllər məhkum olunmuş Zaur Tağıyevdən 1,776 qram heroin, Sabunçu RPİ 12-ci PB əməkdaşları Bakı şəhər sakini Ruslan Kazımovdan 0,602 qram heroin, Şamaxı RPŞ əməkdaşları Şəhriyar qəsəbə sakini, əvvəllər məhkum olunmuş Nizami Kərimovdan 132,4 qram marixuana götürmüşlər. Sabirabad RPŞ əməkdaşlarının keçirdikləri əməliyyat tədbirləri nəticəsində Ətcələr kənd sakini, əvvəllər məhkum olunmuş Abdulla Bayramovdan 38 qram marixuana, həyətyanı sahəsindən isə kultivasiya yolu ilə yetişdirilmiş, çəkisi 252 qram olan 3 ədəd çətənə kolu aşkar edilərək götürülmüşdür. Oğuz RPŞ əməkdaşlarının keçirdikləri əməliyyat tədbirləri nəticəsində Xaçmaz kənd sakini Tərlan Qədirovdan 25 qram marixuana, həyətyanı sahəsindən isə kultivasiya yolu ilə yetişdirilmiş, çəkisi 150 qram olan 14 ədəd çətənə kolu aşkar edilərək götürülmüşdür. Nərimanov RPİ 17-ci PB əməkdaşlarının keçirdikləri əməliyyat tədbirləri nəticəsində Z.Bünyadov prospektində Ucar rayon sakini Əlvan Nəbiyevin mobil telefonunu oğurlamış Bakı şəhər sakini Aynur Paşayev tutulmuş, ondan 0,226 qram heroin götürülmüşdür.