DİO əməkdaşları tərəfindən vətəndaşlardan narkotik vasitələr götürülmüşdür

25.05.2008

Həyata keçirilmiş əməliyyat tədbirləri nəticəsində Nizami RPİ və Ədliyyə Nazirliyinin Penitensiar Xidməti əməkdaşları Sumqayıt şəhər sakini Rifat Əhmədovdan 0,8 qram heroin, Nəsimi RPİ 22-ci PB əməkdaşları Bakı şəhər sakini Emil Əfəndiyevdən 0,240 qram heroin, Sabunçu RPİ 14-cü PB əməkdaşları Maştağa qəsəbə sakini Həbib Həbibovdan 0,323 qram heroin, Ucar RPŞ əməkdaşları rayon sakinləri, əvvəllər məhkum olunmuşlar Murtuzəli Şükürovun evinə baxış zamanı 62,29 qram tiryək, Mirağa Seyidovdan 0,083 qram heroin, Dəvəçi RPŞ əməkdaşları rayon sakini, əvvəllər məhkum olunmuş Rəşad Ağayevdən 0,25 qram heroin götürmüşlər. DİN Çevik Polis Alayı və Nizami RPİ əməkdaşlarının birgə keçirdikləri əməliyyat tədbirləri nəticəsində Keşlə qəsəbə sakini, əvvəllər məhkum olunmuş Elşən Həşimovun evində narkotik maddə qəbul edərkən Bakı şəhər sakini Zaur Həsənov və onun qonşusu, əvvəllər məhkum olunmuş Xanlar Tağıyev tutulmuşlar. E.Həşimovdan 0,247 qram, Z.Həsənovdan 0,229 qram, X.Tağıyevdən isə 0,235 qram heroin götürülmüşdür. Sabunçu RPİ əməkdaşlarının keçirdikləri əməliyyat tədbirləri nəticəsində Nardaran qəsəbə sakini Əliyulla Zeynalov 0,367 qram heroini Maştağa qəsəbə sakini Ramiz Rzayevə satarkən tutulmuşlar. Ə.Zeynalova 0,552 qram heroini satmış 2-ci Zabrat qəsəbə sakini Azər Vəliyev tutulmuşdur.