Füzuli rayonunun Böyük Bəhmənli kəndində yol-nəqliyyat hadisəsi

25.05.2008

Mayın 25-də saat 02.05 radələrində Füzuli rayonunun Böyük Bəhmənli kəndində Seyidmahmudlu kənd sakini Eynulla Əliyev "VAZ-21011" markalı avtomaşını idarə edərkən onu qarşıda gedən Araz Yağlavənd kənd sakini İbrahim Məhərrəmovun idarə etdiyi "Belarus" markalı traktora vurmuş, sonra idarəetməni itirərək yoldan çıxmış və qarşıdan gələn Qorqan kənd sakini Xalid Məmmədovun idarə etdiyi "VAZ-2106" markalı avtomaşınla toqquşmuşdur. Nəticədə xəsarət almış hər 3 sürücü, habelə E.Əliyevin sərnişinləri, Mahmudlu kənd sakinləri Güloğlan Əhmədov, Nicat İbişov, İ.Məmmədovun sərnişinləri, Böyük Bəhmənli kənd sakinləri Nurəddin Əliyev və Ədalət Əliyev xəstəxanaya yerləşdirilmişlər. G.Əhmədov orada ölmüşdür. Füzuli RPŞ tərəfindən araşdırmalar aparılır.