DİO əməkdaşları tərəfindən vətəndaşlardan narkotik vasitələr götürülmüşdür

21.05.2008

Həyata keçirilmiş əməliyyat tədbirləri nəticəsində DİN Çevik Polis Alayı və Yasamal RPİ əməkdaşları Bakı şəhər sakini, əvvəllər məhkum olunmuş Mərifət Mayılovdan 0,231 qram heroin, Bakı Metropolitendə Polis Şöbəsi əməkdaşları Culfa rayon sakini Əsgər Əliyevdən 0,251 qram heroin, Nəsimi RPİ əməkdaşları Bakı şəhər sakini, əvvəllər məhkum olunmuş Cümşüd Hüseynovdan 0,835 qram heroin, Nəsimi RPİ 22-ci PB əməkdaşları Bakı şəhər sakini əvvəllər məhkum olunmuş Əsgər Ellazovdan 0,247 qram heroin, Xaçmaz RPŞ əməkdaşları Xaçmaz şəhər sakini əvvəllər məhkum olunmuş Səfər Yusifovdan 1,809 qram heroin götürmüşlər. Bakı şəhər BPİ-nin Narkotiklərlə Mübarizə İdarəsi əməkdaşlarının keçirdikləri əməliyyat tədbirləri nəticəsində Bakı şəhər sakini, əvvəllər məhkum olunmuş Rafiq Məmmədov 0,453 qram heroini satarkən tutulmuşdur. R.Məmmədovdan əlavə olaraq 0,227 qram heroin götürülmüşdür. Ətrafında aparılmış əməliyyat tədbirləri nəticəsində onun yaşadığı evi, Qəbələ rayon sakini Azər Şəfiyevə və Xanlar rayon sakini Alik İsmayılova narkotik vasitə qəbul etmək üçün verməsi və bunun müqabilində pul alması müəyyən edilmişdir. Suraxanı RPİ əməkdaşlarının keçirdikləri əmliyyat tədbirləri nəticəsində narkotik vasitə satarkən tutulmuş R.Rzayevin evinə baxış zamanı 312,36 qram marixuana və 0,228 qram heroin götürülmüşdür. R.Rzayevə narkotik vasitəni satmış Bakı şəhər sakini Abuzər İbrahimov tutulmuş, ondan 6,07 qram marixuana götürülmüşdür.