DİO əməkdaşları tərəfindən vətəndaşlardan narkotik vasitələr götürülmüşdür

20.05.2008

Həyata keçirilmiş əməliyyat tədbirləri nəticəsində DİN Nəqliyyatda Baş Polis İdarəsi əməkdaşları Bakı şəhər sakini Rafiq Şahverdiyevdən 3,11 qram həşiş, Xətai RPİ 37-ci PB əməkdaşları Bakı şəhər sakini Fərid Həsənovdan 0,221 qram heroin, Sumqayıt ŞPİ əməkdaşları şəhər sakini Seymur Məmmədovdan 0,212 qram heroin, Cəlilabad RPŞ əməkdaşları rayon sakini Valeh Əliyevdən 0,418 qram heroin, Biləsuvar RPŞ əməkdaşları Salyan rayon sakini Mansur Babayevdən 2 qram tiryək və 1 qram heroin götürmüşlər. Suraxanı RPİ 33-cü PB əməkdaşlarının keçirdikləri əməliyyat tədbirləri nəticəsində Saatlı rayon sakini, əvvəllər məhkum olunmuş İsməli Fərəcovdan 1,724 qram heroin götürülmüş, ətrafında aparılmış əməliyyat tədbirlərində ona narkotik vasitəni satmış İmişli rayon sakini Rauf Rzayev tutulmuş, ondan 1,726 qram heroin və 30,81 qram marixuana götürülmüşdür.