DİO əməkdaşları tərəfindən vətəndaşlardan narkotik vasitələr götürülmüşdür

18.05.2008

Həyata keçirilmiş əməliyyat tədbirləri nəticəsində Yasamal RPİ 28-ci PB əməkdaşları Bakı şəhər sakini, əvvəllər məhkum olunmuş Vüqar Cəfərovdan 1,059 qram heroin götürmüşlər. Nərimanov RPİ 17-ci PB əməkdaşlarının keçirdikləri əməliyyat tədbirləri nəticəsində Bakı şəhər sakini, əvvəllər məhkum olunmuş Eldar Şirinovdan 0,353 qram heroin götürülmüş, narkotik vasitəni ona satmış Bakı şəhər sakini, əvvəllər məhkum olunmuş Oqtay Qurbanov tutulmuş, ondan 0,552 qram heroin götürülmüşdür. DİN Baş Narkotiklərlə Mübarizə İdarəsi əməkdaşlarının keçirdikləri əməliyyat tədbirləri nəticəsində Bakı şəhər sakini, əvvəllər məhkum olunmuş Etibar Muradovun Novxanı qəsəbəsindəki bağ evinə baxış zamanı 123,140 qram heroin, 6,45 qram marixuana və 3,1 qram metadon aşkar edilərək götürülmüşdür.