DIO əməkdaşları tərəfindən vətəndaşlardan narkotik vasitələr götürülmüşdür

23.04.2008

Həyata keçirilmiş əməliyyat tədbirləri nəticəsində Bakı BPİ-nin Narkotiklərlə Mübarizə İdarəsi və Nəsimi RPİ əməkdaşları Bakı şəhər sakini, əvvəllər məhkum olunmuş Zeynal Rəsulovdan 0,242 qram heroin, Suraxanı RPİ 32-ci PB əməkdaşları Qaraçuxur qəsəbə sakini, əvvəllər məhkum olunmuş Rasim İbrahimovdan 0,89 qram tiryək, Nəsimi RPİ 19-cu PB əməkdaşları Gəncə şəhər sakini, əvvəllər məhkum olunmuş Mürşüd Məmmədovdan 0,238 qram heroin, Sumqayıt ŞPİ əməkdaşları şəhər sakini, əvvəllər məhkum olunmuş Mərdan Bağırovdan 0,237 qram heroin, Abşeron RPŞ əməkdaşları Novxanı kənd sakini Rəşid Əliyevdən 0,286 qram heroin götürmüşlər. Əzizbəyov RPİ 2-ci PB əməkdaşlarının keçirdikləri əməliyyat tədbirləri nəticəsində Maştağa qəsəbə sakini Zaur Əbdülməmmədov 0,511 qram heroini satarkən tutulmuşdur. Xətai RPİ 34-cü PB əməkdaşlarının keçirdikləri əməliyyat tədbirləri nəticəsində Bakı şəhər sakini Ziya Məmmədovdan 2,93 qram tiryək, Sumqayıt şəhər sakini İlqar Məlikovdan isə 6,11 qram marixuana götürülmüşdür. Ətraflarında aparılmış əməliyyat tədbirləri nəticəsində onların aprelin 22-də Bakı şəhər sakini Mədinə Abdullayevaya qarşı zor tətbiq edərək mobil telefonunu ondan almaları müəyyən edilmişdir.