DİO əməkdaşları tərəfindən vətəndaşlardan narkotik vasitələr götürülmüşdür

10.04.2008

Həyata keçirilmiş əməliyyat tədbirləri nəticəsində Yasamal RPİ əməkdaşları Bakı şəhər sakini Zeydulla Nurəliyevdən 1,161 qram heroin, Xətai RPİ əməkdaşları Bakı şəhər sakini, əvvəllər məhkum olunmuş Heybət Yaralızadədən 0,248 qram heroin, Sabirabad RPŞ əməkdaşları rayon sakini İlya Kuzmindən 1,3 qram heroin, Sumqayıt ŞPİ əməkdaşları şəhər sakini Şəhriyar Teymurovdan 0,253 qram heroin götürmüşlər. Səbail RPİ 39-cu PB əməkdaşlarının keçirdikləri əməliyyat tədbirləri nəticəsində Bülbül prospektində Bakı şəhər sakini Tural Mürşüdova məxsus «VAZ-21010» markalı avtomaşından içərisində 53 manat pul olan kisəni oğurlamış Gürcüstan vətəndaşı Kençadze Pesik Aladan tutulmuşdur. Onun üstünə baxış zamanı 1,17 qram tiryək aşkar edilərək götürülmüşdür.