Tovuz rayonunun Əlibəyli kəndinin ərazisində yol-nəqliyyat hadisəsi

26.03.2008

Saat 17.30 radələrində Tovuz rayonunun Əlibəyli kəndinin ərazisində Fövqəladə Hallar Nazirliyinin Tovuz rayon Dövlət Yanğından Mühafizə Xidmətinin əməkdaşı Akif Bayramovun idarə etdiyi "VAZ-2106" markalı və Hacalı kənd sakini Qurban Qasımovun idarə etdiyi "VAZ-2107" markalı avtomaşınlar toqquşmuşlar. Nəticədə Q.Qasımovun sərnişini həmkəndlisi İismayıl Qasımov, habelə A.Bayramovun sərnişinləri Bakı şəhər sakinləri Minayə Qaravəliyeva və Aygah Musayev hadisə yerində ölmüş, xəsarət almış hər iki sürücü və sərnişinlər Bayram İbrahimov, Bayram Tağıyev və onun qardaşı Yadigar isə xəstəxanaya yerləşdirilmiş vəziyyətləri qənaətbəxşdir. Tovuz RPŞ tərəfindən araşdırmalar aparılır.