Lökbatan qəsəbə sakini Elvin Əsgərzadəni qətlə yetirməkdə şübhəli bilinən arvadı S.Babayeva saxlanılaraq istintaqa təhvil verilmişdir
21.04.2021Aprelin 21-də saat 22 radələrində Qaradağ rayonunun Lökbatan qəsəbəsi ərazisində qəsəbə sakini Elvin Əsgərzadənin döş qəfəsinə bıçaqla xəsarət yetirilməsi və hadisə yerində ölməsi barədə 10-cu Polis Bölməsinə məlumat daxil olmuşdur.
Dərhal rayonun polis və prokurorluq orqanlarının əməkdaşları tərəfindən müvafiq tədbirlər həyata keçirilmişdir.
Fakla əlaqədar Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanmışdır.Təxirəsalınmaz istintaq və əməliyyat-axtarış tədbirləri nəticəsində hadisəni qısqanclıq zəminində törətməkdə şübhəli bilinən mərhumun arvadı S.Babayeva saxlanılaraq istintaqa təhvil verilmişdir.
Rayon prokurorluğu tərəfindən araşdırma aparılır.
Çap et