DIO əməkdaşları tərəfindən vətəndaşlardan narkotik vasitələr götürülmüşdür

12.03.2008

Həyata keçirilmiş əməliyyat tədbirləri nəticəsində Bakı BPİ-nin Cinayət-Axtarış İdarəsi və Nəsimi RPİ əməkdaşları Bakı şəhər sakini Vəfadar Qurbanidən 0,214 qram heroin, Əzizbəyov RPİ 1-ci PB əməkdaşları Şərur rayon sakini Vilayət Seyidovdan 272,659 qram heroin, Mərdəkan qəsəbə sakini, əvvəllər məhkum olunmuş Yusif Xanlarovdan 1,132 qram heroin, Xətai RPİ 34-cü PB əməkdaşları Sabirabad rayon sakini, əvvəllər məhkum olunmuş Bayram Bayramovdan 0,254 qram və Bakı şəhər sakini, əvvəllər məhkum olunmuş Nazim Məmmədovdan 0,262 qram heroin, Dəvəçi RPŞ əməkdaşları rayon sakini Alim Səlimovdan 1,315 qram heroin və 0,15 qram tiryək, Tovuz RPŞ əməkdaşları Ağstafa rayon sakini Famil Bayramovdan 0,208 qram heroin, Bərdə RPŞ əməkdaşları Yevlax rayon sakini Aqil Hüseynovdan 1,5 qram heroin götürmüşlər, Əzizbəyov RPİ əməkdaşlarının keçirdikləri əməliyyat tədbirləri nəticəsində Bakı şəhər sakini Tahir Həkimov 15,1 qram həşişi satarkən tutulmuş, ondan əlavə 5,22 qram həşiş götürülmüş, Sabunçu RPİ əməkdaşlarının keçirdikləri əməliyyat tədbirləri nəticəsində Bakıxanov qəsəbə sakini, əvvəllər məhkum olunmuş Ramiz Salmanov 0,693 qram heroini Zabrat qəsəbə sakini Tağı Əliyevə satarkən tutulmuşlar. R.Salmanovdan əlavə 0,576 qram heroin götürülmüşdür.