DIO əməkdaşları tərəfindən vətəndaşlardan narkotik vasitələr götürülmüşdür

25.02.2008

Həyata keçirilmiş əməliyyat tədbirləri nəticəsində Binənqədi RPİ 5-ci PB əməkdaşları Bakı şəhər sakini Arif Abdullayevdən 0,252 qram heroin, Nərimanov RPİ 16-cı PB əməkdaşları Bakı şəhər sakini Tərlan Almasıdan 0,21 qram heroin, Bakı BPİ-nin Cinayət-Axtarış İdarəsi və Yasamal RPİ 28-ci PB əməkdaşları Füzuli rayon sakini Nurlan Seyidovdan 1,138 qram heroin, Yasamal RPİ 28-ci PB əməkdaşları Bakı şəhər sakini Əliheydər Təvəkkülovdan 3,23 qram tiryək, Masallı RPŞ əməkdaşları rayon sakini Rəşad Əkbərovdan 0,30 qram heroin, Çaxırlı kənd sakini Əfqan Zahidovdan 0,15 qram heroin və 1 ədəd düyməli bıçaq götürmüşlər, Əzizbəyov RPİ 1-ci PB əməkdaşlarının keçirdikləri əməliyyat tədbirləri nəticəsində Mərdəkan qəsəbə sakini, əvvəllər məhkum olunmuş Mirzəxan Yaqubovdan 0,036 qram heroin götürülmüşdür. M.Yaqubova narkotik vasitəni satmış Bakı şəhər sakini Azər İsayev tutulmuş, onun üstünə baxış zamanı 20,846 qram, idarə etdiyi «Azsamand» markalı avtomaşından isə 101,288 qram heroin aşkar edilərək götürülmüşdür. A.İsayevin ətrafında aparılmış əməliyyat tədbirləri nəticəsində, ona narkotik vasitəni satmış Neftçala rayon sakini Habil İbadov tutulmuş, ondan 5,147 qram heroin götürülmüşdür, Göyçay RPŞ əməkdaşlarının keçirdikləri əməliyyat tədbirləri nəticəsində rayon sakini Nicat Həsənovdan 23,24 qram marixuana götürülmüşdür. N.Həsənova narkotik vasitəni satmış Yenikənd kənd sakini Şirvan Süleymanov və Ağdam rayon sakini Əbülfəz Mehdiyev tutulmuşlar, Neftçala rayonunun Bankə qəsəbə sakini Rafiq Mustafayev 0,12 qram heroini könüllü olaraq Neftçala RPŞ-yə təhvil vermişdir. R. Mustafayevin narkotik vasitəni rayon sakini Elçin Abıyevdən alması müəyyən edilmişdir. E.Abıyevin tutulması üçün tədbirlər görülür.