DIO əməkdaşları tərəfindən vətəndaşlardan narkotik vasitələr götürülmüşdür

24.02.2008

Həyata keçirilmiş əməliyyat tədbirləri nəticəsində DİN Baş Narkotiklərlə Mübarizə İdarəsinin Qərb Bölgəsində Regional Şöbəsi və Nəqliyyatda Baş Polis İdarəsi əməkdaşlarının birgə keçirdikləri əməliyyat tədbirləri nəticəsində Gəncə şəhər sakini, əvvəllər məhkum olunmuş Asəf Quluzadədən 0,217 qram heroin, Bakı BPİ-nin Cinayət-Axtarış İdarəsi və Suraxanı RPİ əməkdaşlarının birgə keçirdikləri əməliyyat tədbirləri nəticəsində Yeni Suraxanı qəsəbə sakini Əzim Hüseynovdan 0,273 qram heroin, Nərimanov RPİ 16-cı PB əməkdaşları Bakı şəhər sakini Məhəmməd Musayevdən 0,275 qram heroin, Masallı RPŞ əməkdaşları Ərkivan qəsəbə sakini Kamil Tumarovdan 0,2 qram heroin götürmüşlər, Səbail RPİ 8-ci PB əməkdaşlarının keçirdikləri əməliyyat tədbirləri nəticəsində Əli Bayramlı şəhər sakinləri Zaur Bağırovdan 0,261 qram, Elman Məmmədovdan 1,348 qram heroin götürülmüşdür, narkotik vasitəni ona satmış Əli Bayramlı şəhər sakini Zaur Hüseynov tutulmuş, ondan 1,037 qram heroin götürülmüşdür, Suraxanı RPİ 33-cü PB əməkdaşlarının keçirdikləri əməliyyat tədbirləri nəticəsində Yeni Günəşli qəsəbə sakini Namiq Bədirovdan 1,101 qram heroin götürülmüş, narkotik vasitəni ona satmış həmyerlisi Rüfət Musayev tutulmuş, ondan 0,281 qram heroin götürülmüşdür. N.Bədirovun ətrafında aparılmış əməliyyat tədbirləri nəticəsində onun Bakı şəhər sakini Rəşad Şabanova 0,271 qram heroin və 1,34 qram həşişi satması müəyyən edilmişdir. R.Şabanov tutulmuş, ondan 0,271 qram heroin və 1,34 qram həşiş götürülmüşdür.