DIO əməkdaşları tərəfindən vətəndaşlardan narkotik vasitələr götürülmüşdür

30.01.2008

Həyata keçirilmiş əməliyyat tədbirləri nəticəsində Suraxanı RPİ 31-ci PB əməkdaşları Bakı şəhər sakini, əvvəllər məhkum olunmuş Elşən Məmmədovdan 0,243 qram heroin, Yevlax RPŞ əməkdaşları rayon sakini Rəhman Teymurovdan 0,656 qram heroin, Salyan RPŞ əməkdaşları Sabirabad rayon sakinləri, əvvəllər məhkum olunmuşlar Maqsud Kərimovdan 0,266 qram və Rəsul Oüstəmovdan 0,235 qram heroin, Salyan rayon sakini Mübariz Abbasovdan 0,310 qram heroin, Kəpəz RPŞ əməkdaşları Yevlax rayon sakinləri Əli Həmzəyevdən və Xan Musayevdən 8 qram marixuana götürmüşlər. Əli Bayramlı ŞPŞ əməkdaşlarının keçirdikləri əməliyyat tədbirləri nəticəsində şəhər sakini Əlverdi İsmayılovdan 0,331 qram heroin götürülmüşdür. Narkotik vasitəni ona satmış həmyerlisi Aslan Əhmədov tutulmuş, evinə baxış zamanı 0,155 qram tiryək aşkar edilərək götürülmüşdür. Tədbirlər davam etdirilmiş və Əli Bayramlı şəhər sakini Ceyhun Əliyev tutulmuş və ondan 0,030 qram tiryək götürülmüşdür. C.Əliyevin narkotik vasitəni həmyerlisi Mirələkbər Təfəzzüllüdən alması müəyyən edilmişdir. M.Təfəzzüllü tutulmuş və narkotik vasitəni A.Əhmədovdan alması müəyyən edilmişdir. Araşdırmalar aparılır. Kürdəmir RPŞ əməkdaşlarının keçirdikləri əməliyyat tədbirləri nəticəsində rayon sakinləri Əflatun Əkbərov və Asif Şükürov narkotik maddə qəbul edərkən tutulmuş, onlardan 2 ədəd şpris götürülmüşdür.