Binəqədi qəsəbəsində yol-nəqliyyat hadisəsi

25.01.2008

Saat 11.20 radələrində Binəqədi qəsəbəsində İsmayıllı rayon sakini Rasim Quliyevin idarə etdiyi "Mercedes" markalı mikroavtobus aşmışdır. Nəticədə xəsarət almış sərnişinləri, Bakı şəhər sakinləri Zahidə Bayramova, Kənan Hüseynov, Rauf Mədətov, Aygün Mamayeva, Tofiq Allahverdiyev, Şamaxı rayon sakinləri Bəxtiyar Nuhov, Ramin Bəhrəmov və Ağdam rayon sakini Raisə Məmmədova xəstəxanaya yerləşdirilmişlər. Onlardan R.Məmmədovanın vəziyyəti qənaətbəxş, digərlərinə isə ilkin tibbi yardım göstərildikdən sonra buraxılmışlar. Binəqədi RPİ tərəfindən araşdırmalar aparılır.