Oğuz rayonunun Böyük Söyüdlü kənd orta məktəbində və Nərimanov rayonundakı köşkdə yanğın baş vermişdir
26.12.2007Dekabrın 27-nə keçən gecə Oğuz rayonunun Böyük Söyüdlü kəndində sahəsi 990 kvm. olan kənd orta məktəbində yanğın baş vermişdir. Nəticədə 606 kvm. sahədə məktəbin yanar konstruksiyaları və oradakı əşyalar yanmışdır. Araşdırmalar aparılır. Dekabrın 26-da saat 12.25 radələrində Nərimanov rayonundakı Ə.Rəcəbli küçəsində Bakı şəhər sakini Məftun Rüstəmova məxsus köşkdə yanğın baş vermişdir. Nəticədə 6 kvm. sahədə köşkün yanar konstruksiyaları yanmış, oranın işçiləri Vüsal Rüstəmov və Əlaqə Allahverdiyev yanıq xəsarətləri almışlar.
Çap et