DIO əməkdaşları tərəfindən vətəndaşlardan narkotik vasitələr götürülmüşdür

21.12.2007

Bakı BPİ Narkotiklərlə Mübarizə İdarəsi əməkdaşlarının keçirdikləri əməliyyat tədbirləri nəticəsində Abşeron rayon sakini İbrahim İbrahimov 1,034 qram heroini satarkən tutulmuşdur. Onun üstünə baxış zamanı cibindən əlavə 0,547 qram heroin aşkar edilərək götürülmüşdür. Həyata keçirilmiş əməliyyat tədbirləri nəticəsində DİN Baş Narkotiklərlə Mübarizə İdarəsi əməkdaşları Bakı şəhər sakini, əvvəllər məhkum olunmuş Natiq Piriyevdən 0,315 qram heroin, Bakı BPİ-nin Narkotiklərlə Mübarizə İdarəsi əməkdaşları Bakı şəhər sakini Rəşad Hüseynovdan 0,049 qram heroin, Qazax RPŞ əməkdaşları rayon sakini, əvvəllər məhkum olunmuş İlham Əliyevdən 0,229 qram heroin, Balakən RPŞ və Balakən rayon Gömrük İdarəsi əməkdaşları Poştbinə kənd sakini Fazil Rüstəmovun evindən 75 qram marixuana götürmüşlər.