Yevlax rayonunun Ərəbbəsrə kənd sakini T.Qafarovu odlu silahdan açılan atəşlə qətlə yetirməkdə şübhəli bilinən Şəki rayon sakini H.Mirzəyev saxlanılmışdır

23.02.2019

Polis və prokurorluq orqanları əməkdaşlarının birgə keçirdikləri istintaq və əməliyyat-axtarış tədbirləri nəticəsində Yevlax şəhərində baş vermiş qətl hadisəsinin üstü açılmışdır.

Fevralın 21-də Yevlax rayonunun Ərəbbəsrə kəndi ərazisində kənd sakini T.Qafarovun  gözətçi işlədiyi yerin yaxınlığındakı ərazidə odlu silahla qətlə yetirilməsi barədə daxil olmuş məlumatla əlaqədar rayon Polis Şöbəsi və Prokurorluğunun  əməkdaşları tərəfindən müvafiq tədbirlər həyata keçirilmişdir.

İstintaq və əməliyyat-axtarış tədbirləri nəticəsində T.Qafarovu münaqişə zəminində ov tüfəngi ilə qətlə yetirməkdə şübhəli bilinən Şəki rayon sakini, əvvəllər məhkum olunmuş H.Mirzəyev saxlanılmışdır.
Faktla bağlı Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanılıb, araşdırma aparılır.