DIO əməkdaşları tərəfindən vətəndaşlardan narkotik vasitələr götürülmüşdür

01.12.2007

Həyata keçirilmiş əməliyyat tədbirləri nəticəsində Sumqayıt ŞPİ əməkdaşları Abşeron rayon sakini Yusif Səfərovdan 10,597 qram heroin, Xaçmaz RPŞ əməkdaşları Alekseyevka kənd sakini Sabir Seyidəliyevin idarə etdiyi "VAZ-2107" markalı avtomaşına baxış zamanı 6,19 qram marixuana, Qazax RPŞ və Tovuz Gömrük İdarəsi əməkdaşları Gürcüstan vətəndaşı Camal Suriyaoğlundan 0,827 qram heroin götürmüşlər. DİN Çevik Polis Alayı və Binəqədi RPİ əməkdaşlarının birgə keçirdikləri əməliyyat tədbirləri nəticəsində Bakı şəhər sakini Ruhiyyə Qədimova 1,59 qram heroini Bakı şəhər sakini, əvvəllər məhkum olunmuş Əlimuxtar Orucəliyevə satarkən tutulmuşlar.