Abşeron rayonu ərazisindəki mağazaların birindən pul, tütün məmulatı və orada quraşdırılmış ödəmə terminalını oğurlamaqda şübhəli bilinən şəxslər saxlanılmışlar
23.11.2018Abşeron RPİ əməkdaşlarının keçirdikləri əməliyyat tədbirləri nəticəsində noyabrın 17-də rayon ərazisindəki mağazaların birindən 180 manat pul və tütün məmulatı, habelə orada quraşdırılmış içərisində 1000 manat pul olan ödəmə terminalını oğurlamaqda şübhəli bilinən Cəlilabad rayon sakini, əvvəllər məhkum olunmuş Vüqar Əliyev, Tovuz rayon sakini Toğrul Pənahov və Göyçay rayon sakini Qalib Abdullayev saxlanılmışlar.