Bakı şəhər sakini Elşən Abışovu hədələmiş İsmayıl Adıgözəlov və Cavid Zeynalov tutulmuşlar
31.10.2007Oktyabrın 31-də 2 naməlum şəxs Sabunçu qəsəbəsinin ərazisində Bakı şəhər sakini Elşən Abışovun idarə etdiyi "VAZ-2106" markalı avtomaşına sərnişin qismində oturub Şüvəlan qəsəbəsinə gedəcəklərini bildirmişlər. Şüvəlan qəsəbəsinin ərazisində onlar E.Abışovu öldürəcəkləri ilə hədələyərək mobil telefonunu, 7 manatını və avtomaşınını almağa cəhd göstərmişlər. Əzizbəyov RPİ Post-Patrul Xidməti əməkdaşları tərəfindən hadisəni törətmiş Bakı şəhər sakini İsmayıl Adıgözəlov və Quba rayon sakini Cavid Zeynalov tutulmuşlar. Əzizbəyov RPİ tərəfindən araşdırmalar aparılır.
Çap et