DİO əməkdaşları tərəfindən vətəndaşlardan narkotik vasitələr götürülmüşdür

02.10.2007

Nərimanov RPİ 17-ci PB əməkdaşlarının keçirdikləri əməliyyat tədbirləri nəticəsində Bakı şəhər sakini Namiq Ağayevdən 0,216 qram heroin götürülmüşdür. O, sentyabr ayının əvvəllərində A.Nemətulla küçəsində, müəyyən edilməmiş avtomaşından 1 ədəd mobil telefon oğurlamasını etiraf etmişdir. Araşdırmalar aparılır. Ağcabədi RPŞ əməkdaşlarının keçirdikləri əməliyyat tədbirləri nəticəsində rayon sakini Natiq Abbasov 0,416 qram marixuananı satarkən tutulmuşdur. Həyata keçirilmiş əməliyyat tədbirləri nəticəsində Binəqədi RPİ əməkdaşları Bakı şəhər sakini Teymur Quliyevdən 0,24 qram marixuana, Əzizbəyov RPİ 2-ci PB əməkdaşları Astara rayon sakini Teymur Hənifəyevdən 0,157 qram heroin, Nəsimi RPİ 22-ci PB əməkdaşları Bakı şəhər sakini, əvvəllər məhkum olunmuş Akif Salamzadədən 0,218 qram heroin, Yasamal RPİ əməkdaşları Bakı şəhər sakini Rəhman Şahbazovdan 0,303 qram heroin, Sumqayıt ŞPİ əməkdaşları Corat qəsəbə sakini Ramil Əliyevdən 0,207 qram heroin, Astara RPŞ əməkdaşları Şahağacı kənd sakini İsrafil Mirzəyevdən 1,538 qram heroin götürmüşlər.