DİO əməkdaşları tərəfindən vətəndaşlardan narkotik vasitələr götürülmüşdür

28.09.2007

Füzuli RPŞ əməkdaşlarının keçirdikləri əməliyyat tədbirləri nəticəsində Böyük Bəhmənli kənd sakini Təbriz Süleymanovun həyətyanı sahəsindən kultivasiya yolu ilə yetişdirilmiş, çəkisi 150 kiloqram olan 360 ədəd çətənə kolu aşkar edilərək götürülmüşdür. Həyata keçirilmiş əməliyyat tədbirləri nəticəsində Xanlar RPŞ əməkdaşları rayonun "Qızıl Qaya" adlanan ərazisində yabanı halda bitmiş, çəkisi 2438 kiloqram olan 1376 ədəd çətənə kolunu, Qəbələ RPŞ əməkdaşları Nic qəsəbəsinin ərazisində 3 hektar sahədən yabanı halda bitmiş, çəkisi 16 ton 200 kiloqram olan 9000 ədəd kənaf kollarını yığaraq məhv etmişlər. Həyata keçirilmiş əməliyyat tədbirləri nəticəsində Əzizbəyov RPİ əməkdaşları Binə qəsəbə sakini, əvvəllər məhkum olunmuş Alim Gözəlovdan 11,184 qram marixuana, Nizami RPİ 23-cü PB əməkdaşları Keşlə qəsəbə sakini, əvvəllər məhkum olunmuş Elşən Həşimovdan 0,33 qram tiryək, Lənkəran ŞRPŞ əməkdaşları rayon sakini Mirhüseyn Miriyevdən 0,186 qram heroin götürülmüşdür.