DİO əməkdaşları tərəfindən vətəndaşlardan narkotik vasitələr götürülmüşdür

14.09.2007

DİN Baş Narkotiklərlə Mübarizə İdarəsinin Cənub Bölgəsində Regional Şöbəsi və Yardımlı RPŞ əməkdaşlarının birgə keçirdikləri əməliyyat tədbirləri nəticəsində Yardımlı qəsəbə sakini Sabir Xudiyevdən 1 kiloqram tiryək götürülmüşdür. Sabirabad RPŞ əməkdaşlarının keçirdikləri əməliyyat tədbirləri nəticəsində Qəzli kənd sakini Mübariz Xəlilovdan 6 qram marixuana götürülmüşdür. Narkotik vasitəni ona satmış həmyerlisi, əvvəllər məhkum olunmuş Telman Mustafayev tutulmuş, ondan 12 qram marixuana götürülmüşdür. T.Mustafayevin evinə baxış zamanı əlavə 204 qram marixuana aşkar edilərək götürülmüşdür. Həyata keçirilmiş əməliyyat tədbirləri nəticəsində Lənkəran ŞRPŞ əməkdaşları şəhər sakini Rövşən Rəhimovdan 0,307 qram heroin, Bərdə RPŞ əməkdaşları rayon sakini, əvvəllər məhkum olunmuş Həsən Ravəndidən 0,185 qram heroin götürmüşlər. Həyata keçirilmiş əməliyyat tədbirləri nəticəsində Gədəbəy RPŞ əməkdaşları Dəyəqarabulaq kənd bələdiyyəsinə məxsus 0,15 hektar torpaq sahəsindən yabanı halda bitmiş, çəkisi 1,452 ton olan 2695 ədəd çətənə kollarını yığaraq məhv etmişlər.