Bakı şəhər sakinləri Ağaməmməd Quliyev, Məhəmmədhəsən Abbasov və əvvəllər məhkum olunmuş İlqar Adamov tutulmuşlar

09.08.2007

İyulun 30-da 2 naməlum şəxs Xətai rayonundakı Cavanşir küçəsində Bakı şəhər sakini Mahmud Hümbətova qarşı zor tətbiq edərək mobil telefonunu ondan almışlar. Xətai RPİ 36-cı PB əməkdaşlarının keçirdikləri əməliyyat-axtarış tədbirləri nəticəsində hadisəni törətmiş Bakı şəhər sakinləri Ağaməmməd Quliyev, Məhəmmədhəsən Abbasov və əvvəllər məhkum olunmuş İlqar Adamov tutulmuşlar. Onların ətrafında aparılmış əməliyyat tədbirləri nəticəsində cari ilin iyulun 31-də Bakı şəhər sakinləri Kamranbəy Məmmədova, avqustun 1-də isə Rüstəm Fərəcəova qarşı da zor tətbiq edərək mobil telefonlarını almaları müəyyən edilmişdir.