DIO əməkdaşları tərəfindən vətəndaşlardan narkotik vasitələr götürülmüş, yabanı halda bitmiş çətənə kolları məhv edilmişdir

23.07.2007

Salyan RPŞ və Ədliyyə Nazirliyinin Penitensiar Xidməti əməkdaşlarının birgə keçirdikləri əməliyyat tədbirləri nəticəsində Salyan rayon sakinləri Vüqar Əzizov, Azər Əzizov, Şahin Dünyamalıyev, Ədliyyə Nazirliyinin 5 saylı Cəzaçəkmə Müəssisəsində cəza çəkən qohumları Əziz Əzizova 2,895 qram heroini verərkən tutulmuşlar. Həyata keçirilmiş əməliyyat tədbirləri nəticəsində DİN Baş Narkotiklərlə Mübarizə İdarəsi və Binəqədi RPİ əməkdaşları İran İslam Respublikası vətəndaşı Məhəmməd Həsən Bocidən 2,004 qram heroin, Binəqədi RPİ 6-cı PB əməkdaşları Bakı şəhər sakini Tofiq Cəlilovdan 0,211 qram heroin, Yasamal RPİ 26-cı PB əməkdaşları Bakı şəhər sakini, əvvəllər məhkum olunmuş Ramin Zeynalovdan 0,196 qram heroin, Sumqayıt ŞPİ əməkdaşları Kimyaçılar qəsəbə sakini Zəka Abdullayevdən 42,71 qram tiryək, Sabirabad RPŞ əməkdaşları rayon sakini Musa Quliyevdən 0,6 qram heroin götürmüşlər. Həyata keçirilmiş əməliyyat tədbirləri nəticəsində Ağdaş RPŞ əməkdaşları Yeniarx kəndinin ərazisində 3 sot sahədən yabanı halda bitmiş çəkisi 2,5 ton olan 1800 ədəd, Qazax RPŞ əməkdaşları rayon ərazisində 25 sot sahədən yabanı halda bitmiş çəkisi 2,9 ton olan 9550 ədəd çətənə kollarını yığaraq məhv etmişlər.