DİO əməkdaşları tərəfindən vətəndaşlardan narkotik vasitələr götürülmüş, yabanı halda bitmiş xaş-xaş kolları məhv edilmişdir

18.07.2007

Həyata keçirilmiş əməliyyat tədbirləri nəticəsində Gəncə ŞPİnin Mütəşəkkil Cinayətkarlıqla Mübarizə Şöbəsi əməkdaşları şəhər sakini, əvvəllər məhkum olunmuş Elnur Bayramovdan 0,208 qram heroin, Göyçay RPŞ əməkdaşlarının keçirdikləri əməliyyat tədbirləri nəticəsində rayon sakini Elsevər Nəsirov 0,698 qram heroini satarkən tutulmuş, onun evinə baxış zamanı əlavə 1,31 qram heroin aşkar edilərək götürülmüşdür, digər əməliyyat tədbiri nəticəsində isə rayon sakini Ramin Talıbov 0,081 qram heroini satarkən tutulmuş, onun evinə baxış zamanı əlavə 0,13 qram heroin aşkar edilərək götürülmüşdür. Həyata keçirilmiş əməliyyat tədbirləri nəticəsində Gədəbəy RPŞ əməkdaşları Əlnağılar kəndininin ərazisində 0,1 hektar sahədən yabanı halda bitmiş çəkisi 825 kiloqram olan 1450 ədəd çətənə kolunu, Tovuz RPŞ əməkdaşları Qovlar qəsəbəsinin ərazisində 3 sot sahədən yabanı halda bitmiş, çəkisi 241 kiloqram olan 255 ədəd çətənə kolunu, Şahbuz RPŞ əməkdaşları rayon ərazisində 3,47 hektar sahədən yabanı halda bitmiş, çəkisi 510 kiloqram olan 410 ədəd xaş-xaş kollarını yığaraq məhv etmişlər.