Sabunçu RPİ 15-ci PB-yə gətirilmiş, soyğunçuluq etmiş şəxs ürək ağrısından vəfat etmişdir

16.11.2006

Saat 21:00 radələrində, 2-ci Zabrat qəsəbə sakini Mirsəlim Seyidzadə Sabunçu RPİ 15-ci PB-yə zəng edərək Zabrat-Maştağa avtomobil yolunun kənarında, oğlu Mirzəağaya məxsus mağazada naməlum şəxsin bıçaqla oğlunu hədələyərək pul tələb etməsi, bununla əlaqədar oğlunun bir nəfər alıcı ilə həmin şəxsi tərksilah etməsi və qollarını bağlamaları barədə məlumat vermişdir. Hadisə yerinə çıxmış polis əməkdaşları mağazaya gəlmiş və hmin şəxsi PB-yə aparmışlar. PB-də olarkən həmin şəxs ürəyinin ağrıdığını bildirmiş və yerə yıxılmışdır. Təcili yardım maşını çağırılmış, həkimlər həmin şəxsin öldüyünü bildirmişlər.