DIO əməkdaşları tərəfindən vətəndaşlardan narkotik vasitələr götürülmüş, yabanı halda bitmiş çətənə kolları yığılaraq məhv edilmişdir

10.09.2006

Nəsimi RPİ 19-cu PB əməkdaşlarının keçirdikləri əməliyyat tədbirləri nəticəsində, Sumqayıt şəhər sakini, əvvəllər məhkum olunmuş Rahib Quliyevdən 1 kiloqram 121,7 qram marixuana, Binəqədi RPİ əməkdaşlarının keçirdikləri əməliyyat tədbirləri nəticəsində, qəsəbə sakini Şahin Hüseynovdan 0,758 qram heroin, Sabunçu RPİ 12-ci PB əməkdaşlarının keçirdikləri əməliyyat tədbirləri nəticəsində, əvvəllər məhkum olunmuş Telman Məlikovdan 0,84 qram tiryək götürülmüşdür. Abşeron RPŞ əməkdaşlarının keçirdikləri əməliyyat tədbirləri nəticəsində, Xırdalan qəsəbə sakini Fərid Həsənovun 1 ədəd mobil telefonunu oğurlamış, Özbəkistan vətəndaşı Şirxan Qurbanov tutulmuşdur. Ondan 0,333 qram heroin götürülmüşdür. Ağdaş RPŞ əməkdaşları tərəfindən, Yuxarı Ləki kəndi ərazisində 70 sot sahədə yabanı halda bitmiş, çəkisi 1274 kiloqram olan 727 ədəd çətənə kolu yığılaraq məhv edilmişdir.