DIO əməkdaşları tərəfindən vətəndaşlardan narkotik vasitələr götürülmüş, yabanı halda bitmiş çətənə kolları yığılaraq məhv edilmişdir

14.07.2006

Baş Narkotiklərlə Mübarizə İdarəsi əməkdaşlarının keçirdikləri əməliyyat tədbirləri nəticəsində, Naxçıvan şəhər sakini Orxan Qasımovdan 4,162 qram, Bakı şəhər sakini Tamilə Abdullayevanın yaşadığı evdən isə 2,213 qram heroin götürülmüşdür. Baş Narkotiklərlə Mübarizə İdarəsi və Siyəzən RPŞ əməkdaşlarının birgə keçirdikləri əməliyyat tədbirləri nəticəsində, Beşdam kənd sakini Paşa Qurbanovun evinə baxış zamanı 6,134 qram, Yasamal RPİ 26-cı PB əməkdaşlarının keçirdikləri əməliyyat tədbirləri nəticəsində isə Bakı şəhər sakini Səlim Eyvazovdan 0,256 qram heroin götürülmüşdür. Balakən RPŞ əməkdaşlarının keçirdikləri əməliyyat tədbirləri nəticəsində, Tülü kəndi ərazisində 2,5 hektar sahədə yabanı halda bitmiş, çəkisi 3870 kiloqram olan 4800 ədəd, Hənifə kəndi ərazisində isə 6 hektar sahədə yabanı halda bitmiş, çəkisi 12980 kiloqram olan 10500 ədəd, İsmayıllı RPŞ əməkdaşlarının keçirdikləri əməliyyat tədbirləri nəticəsində isə Mican kəndi ərazisində 90 sot tsahədə yabanı halda bitmiş, çəkisi 1,5 ton olan 2950 ədəd çətənə kolları yığılaraq məhv edilmişdir.