DIO əməkdaşları tərəfindən vətəndaşlardan narkotik vasitələr götürülmüşdür

21.06.2006

Baş Mütəşəkkil Cinayətkarlıqla Mübarizə İdarəsi əməkdaşlarının keçirdikləri əməliyyat tədbirləri nəticəsində, Sumqayıt şəhər sakinləri, əvvəllər məhkum olunmuşlar Xəyyam Rzayev və Əli Ağayev 0,5 qram heroini satarkən tutulmuşlar. X.Rzayevdən əlavə olaraq 0,498 qram, Ə.Ağayevdən isə 0,5 qram heroin götürülmüşdür. Baş Mühafizə İdarəsi və Yasamal RPİ əməkdaşlarının keçirdikləri birgə əməliyyat tədbirləri nəticəsində, Bakı şəhər sakini Elman Əsgərovdan 0,286 qram, 26-cı PB əməkdaşlarının keçirdikləri əməliyyat tədbirləri nəticəsində, Bakı şəhər sakini Elxan Qafarovdan 0,208 qram, Xətai RPİ 35-ci PB əməkdaşlarının keçirdikləri əməliyyat tədbirləri nəticəsində isə Cəlilabad rayon sakini Mahir Mehdiyevdən 0,215 qram heroin götürülmüşdür.