DIO əməkdaşları tərəfindən vətəndaşlardan narkotik vasitələr götürülmüşdür

25.05.2006

Baş Narkotiklərlə Mübarizə İdarəsinin Qərb Bölgəsində Regional Şöbəsi və Yevlax RPŞ əməkdaşlarının keçirdikləri birgə əməliyyat tədbirləri nəticəsində, Yevlax şəhər sakini Ələddin Rəsulov 0,071 qram heroini həmyerlisi Elbrus Məhərrəmova 90 min manata satarkən tutulmuşdur. Ə.Rəsulovdan əlavə 0,059 qram heroin götürülmüşdür. Sabunçu RPİ 14-cü PB əməkdaşlarının keçirdikləri əməliyyat tədbirləri nəticəsində, Maştağa qəsəbə sakini Könül Quliyevadan 0,355 qram heroin, Sumqayıt ŞPİ əməkdaşlarının keçirdikləri əməliyyat tədbirləri nəticəsində, şəhər sakini Natiq Nəsirovdan 0,212 qram heroin və şprisdə 0,8 milliqram sirkə anhidridi, Nizami RPŞ (Gəncə) əməkdaşlarının keçirdikləri əməliyyat tədbirləri nəticəsində, şəhər sakinir, əvvəllər məhkum olunmuş Azər Musayevdən 0,227 qram heroin götürülmüşdür.