DIO əməkdaşları tərəfindən vətəndaşlardan narkotik vasitələr götürülmüşdür

21.05.2006

Səbail RPİ əməkdaşlarının keçirdikləri əməliyyat tədbirləri nəticəsində, Qobustan qəsəbə sakini, əvvəllər məhkum olunmuş Yaşar Musayevdən 10,237 qram heroin götürülmüşdür. Ona narkotik vasitəni 680 YAM satmış, Cəlilabad rayon sakini, əvvəllər məhkum olunmuş İlqar Ağayev tutulmuş, ondan əlavə 205,58 qram həşiş götürülmüşdür.Sabunçu RPİ 13-cü PB əməkdaşlarının keçirdikləri əməliyyat tədbirləri nəticəsində, Bakıxanov qəsəbə sakini İmran Süleymanovdan 0,161 qram heroin, Naxçıvan ŞPİ əməkdaşlarının keçirdikləri əməliyyat tədbirləri nəticəsində isə şəhər sakini Zaur Zülfüqarovdan 1,458 qram heroin götürülmüşdür.