Yeni Suraxanı qəsəbəsində yaşayan Dostəli Abuzərov münaqişə zəminində Salyan rayon sakini Qüdrət Malıyevi qətlə yetirmişdir

14.05.2006

Saat 03:00 radələrində, Yeni Suraxanı qəsəbəsində yaşayan Dostəli Abuzərov sərxoş halda, Salyan rayon sakini Qüdrət Malıyevin idarə etdiyi "VAZ-2106" markalı avtomaşını saxlayıb, onu Abşeron rayonunun Görədil kəndində yaşayan, qohumu Balakişi Beqiyevin evinə aparmasını tələb etmişdir. D.Abuzərovun əlində 2 ədəd tüfəngin olduğunu görən Q.Malıyev bu təklifi rədd etmişdir. Bununla əlaqədar baş vermiş münaqişə zəminində D.Abuzərov tüfəngdən atəş açaraq Q.Malıyevi qətlə yetirmiş, meyitini həyətində gizlədərək ona məxsus avtomaşında Görədil kəndində yaşayan, arvadının babası B.Beqiyevin evinə getmişdir. D.Abuzərov tüfəngləri B.Beqiyevə vermiş və orada olan arvadının evə qayıtmasını tələb etmişdir. Sonradan D.Abuzərov avtomaşında evinə qayıdarkən 2-ci Zabrat qəsəbəsinin ərazisində onu maneəyə vuraraq yararsız hala salmış və qəsəbədə yaşayan xalasının evində gizlənmişdir. Suraxanı və Sabunçu RPİ əməkdaşlarının birgə keçirdikləri profilaktiki tədbirlərdən sonra D.Abuzərov təslim olmuşdur. 2 ədəd ov tüfəngləri B.Beqiyevin evindən götürülmüşdür.