DIO əməkdaşları tərəfindən vətəndaşlardan narkotik vasitələr götürülmüşdür

08.05.2006

Nərimanov RPİ 18-ci PB əməkdaşlarının keçirdikləri əməliyyat tədbirləri nəticəsində, Bakı şəhər sakini, əvvəllər məhkum olunmuş Araz Mustafayevdən 0,226 qram heroin, Nizami RPİ 25-ci PB əməkdaşlarının keçirdikləri əməliyyat tədbirləri nəticəsində isə Bakı şəhər sakini, əvvəllər məhkum olunmuş Rövşən Həşimovdan 886,1 qram marixuana götürülmüşdür. Baş Narkotiklərlə Mübarizə İdarəsinin Cənub bölgəsində regional şöbəsi və Nəqliyyatda Baş Polis İdarəsi əməkdaşlarının keçirdikləri birgə əməliyyat tədbirləri nəticəsində, Lənkəran şəhər sakini Sərhad Vəliyev 0,160 qram heroini satarkən tutulmuşdur. S.Vəliyevdən əlavə olaraq 0,155 qram heroin götürülmüşdür. MTN və Bakı şəhər Baş Polis İdarəsinin İstintaq İdarəsi əməkdaşlarının birgə keçirdikləri əməliyyat tədbirləri nəticəsində, Naxçıvan şəhər sakinləri Natiqə Quliyeva və Əli Şahbazovdan satış məqsədi ilə əldə etdikləri 100 qram heroin və 11,5 qram tiryək götürülmüşdür.