DIO əməkdaşları tərəfindən vətəndaşlardan narkotik vasitələr götürülmüşdür

05.05.2006

Baş Cinayət Axtarış İdarəsi, Bakı şəhər Baş Polis İdarəsinin Cinayət Axtarış İdarəsi və Səbail RPİ əməkdaşlarının keçirdikləri birgə əməliyyat tədbirləri nəticəsində, Gürcüstan vətəndaşı, əvvəllər məhkum olunmuş Mamuka Quramoviç Qoçholeşvili şübhəli şəxs qismində Səbail RPİ-yə gətirilmişdir. Ondan 0,292 qram heroin götürülmüşdür. Baş Narkotiklərlə Mübarizə İdarəsinin Cənub Bölgəsində Regional Şöbəsi və Biləsuvar RPŞ əməkdaşlarının keçirdikləri birgə əməliyyat tədbirləri nəticəsində, Biləsuvar rayonu ərazisində, İran İslam Respublikası vətəndaşı Ahdam Mahmud Rahmatullah oğlu Zabihinin idarə etdiyi «İveko» markalı avtomaşın nəzarət qaydasında saxlanılmışdır. Avtomaşına baxış zamanı 12 qram tiryək və 5 qram həşiş aşkar edilərək götürülmüşdür. Qəbələ RPŞ əməkdaşlarının keçirdikləri əməliyyat tədbirləri nəticəsində, Əmirvan kənd sakini Zakir Rəhimovun həyətyanı sahəsində, kultivasiya yolu ilə becərilmiş, çəkisi 400 qram olan 33 ədəd kənaf kolu aşkar edilərək götürülmüşdür. Gəncə ŞPİ əməkdaşlarının keçirdikləri əməliyyat-axtarış tədbirləri nəticəsində, şəhər sakini Hüseyn Allahverdiyevdən 0,197 qram heroin götürülmüşdür.