DIO əməkdaşları tərəfindən vətəndaşlardan narkotik vasitələr götürülmüşdür

02.05.2006

Bakı şəhər Baş Polis İdarəsinin Mütəşəkkil Cinayətkarlıqla Mübarizə Şöbəsi və Yasamal RPİ 26-cı PB əməkdaşlarının birgə keçirdikləri əməliyyat tədbirləri nəticəsində, Naxçıvanski küçəsində yaşayan, əvvəllər məhkum olunmuş Mayis Musayev 0,244 qram heroini Fuad Məmmədova satarkən tutulmuşdur. Baş Mühafizə İdarəsi və Salyan RPŞ əməkdaşlarının birgə keçirdikləri əməliyyat tədbirləri nəticəsində, rayon sakini Şahin Babayev 0,276 qram heroini satarkən tutulmuşdur. Ondan əlavə olaraq daha 0,630 qram heroin götürülmüşdür. Yasamal RPİ əməkdaşlarının keçirdikləri əməliyyat tədbirləri nəticəsində, A.Ağayev küçəsində yaşayan Adəm Ələkbərovdan 0,223 qram, Qaradağ RPİ 10-cu PB əməkdaşlarının keçirdikləri əməliyyat tədbirləri nəticəsində, Lökbatan qəsəbə sakini Rauf Məmmədovdan 0,271 qram, Salyan RPŞ əməkdaşlarının keçirdikləri əməliyyat tədbirləri nəticəsində isə rayon sakini Ceyhun Əliyevdən 0,406 qram heroin götürülmüşdür.