DIO əməkdaşları tərəfindən vətəndaşlardan narkotik vasitələr götürülmüşdür

21.04.2006

Baş Narkotiklərlə Mübarizə İdarəsi əməkdaşlarının keçirdikləri əməliyyat tədbirləri nəticəsində, Bakı şəhər sakini Elçin Əsədovdan 0,544 qram heroin götürülmüşdür. E.Əsədovun idarə etdiyi "VAZ-2106" markalı avtomaşına baxış zamanı əlavə 0,324 qram heroin aşkar edilərək götürülmüşdür. Baş Narkotiklərlə Mübarizə İdarəsi əməkdaşlarının keçirdikləri əməliyyat tədbirləri nəticəsində, Lənkəran rayon sakini Rəsul Rəsulov 0,613 qram heroini satarkən tutulmuşdur. R.Rəsulovun ətrafında aparılmış əməliyyat tədbirləri nəticəsində, ona narkotik vasitəni satmış Astara rayon sakinləri Elxan Əliyev və Məhəmmədəli Rəhimov tutulmuşlar. Baş Narkotiklərlə Mübarizə İdarəsi və Yasamal RPİ əməkdaşlarının keçirdikləri birgə əməliyyat tədbirləri nəticəsində, Bakı şəhər sakini Rizvan Mustafayevdən 0,302 qram, Kamil Qafarovdan 0,226 qram heroin, Nəsimi RPİ 19-cu PB əməkdaşlarının keçirdikləri əməliyyat tədbirləri nəticəsində isə Bakı şəhər sakini Elşən Səfərovdan 0,221 qram heroin götürülmüşdür.