Sumqayıt şəhəri ərazisində baş vermiş yol-nəqliyyat hadisəsi nəticəsində 1 nəfər ölmüş, 4 nəfər xəsarət almışdır

27.05.2010

Mayın 28-də saat 19.50 radələrində Sumqayıt şəhərinin H.Z.Tağıyev qəsəbəsi ərazisində Bakı şəhər sakini Rafayel Bağırov "Mercedes-240" markalı avtomaşını idarə edərkən Sumqayıt şəhər sakini Rahid Quliyevi vurmuş, sonradan idarəetməni itirərək onu qarşıdan gələn Siyəzən şəhər sakini Amil Səmədovun idarə etdiyi "QAZ-31" markalı avtomaşına çırpmışdır. Nəticədə R.Quliyev hadisə yerində ölmüş, xəsarət almış R.Bağırovun sərnişinləri, qardaşı Amil, Sirac Məmmədov, Elman Tağıyev, habelə A.Səmədovun sərnişini Əlisəfa Azayev xəstəxanaya yerləşdirilmiş, vəziyyətləri orta-ağırdır.
Sumqayıt ŞPİ tərəfindən araşdırmalar aparılır.