DİO əməkdaşları tərəfindən vətəndaşlardan narkotik vasitələr götürülmüşdür

18.03.2006

Baş Dövlət Yol Polisi İdarəsinin Qaradağ rayonu YPX postunda, Salyan rayon sakini Elşən Əhədovun idarə etdiyi "VAZ-21061" markalı avtomaşına nəzarət qaydasında baxış keçirilmişdir. Avtomaşının sərnişini, Neftçala rayon sakini Etibar Quliyevdən 1,5 qram tiryək götürülmüşdür. E.Quliyev sonrakı araşdırmalar üçün Qaradağ RPİ-nin 38-ci PB-nə təhvil verilmişdir. Nərimanov RPİ əməkdaşlarının keçirdikləri əməliyyat tədbirləri nəticəsində, Gəncə şəhər sakini, əvvəllər məhkum olunmuş Rafiq İbrahimovdan 1 kiloqram 813,6 qram tiryək və 1,37 qram həşiş götürülmüşdür.Nərimanov RPİ 16-cı PB əməkdaşlarının keçirdikləri əməliyyat tədbirləri nəticəsində, Suraxanı qəsəbə sakini, əvvəllər məhkum olunmuş İbrahim Cəniyevdən 0,198 qram heroin, Yasamal RPİ əməkdaşlarının keçirdikləri əməliyyat tədbirləri nəticəsində, Bakı şəhər sakini, əvvəllər məhkum olunmuş Nağı Bağırovdan 0,211 qram heroin, Salyan RPŞ əməkdaşlarının keçirdikləri əməliyyat tədbirləri nəticəsində, rayon sakinləri Mirhikmət Tağıyevdən 2,7 qram, İlqar Babayevdən isə1,304 qram tiryək, Sumqayıt ŞPİ əməkdaşlarının keçirdikləri əməliyyat tədbirləri nəticəsində, Z.Tağıyev qəsəbə sakini Qurban Qurbanovun evindən 215,97 qram marixuana, Nəqliyyatda Baş Polis İdarəsi əməkdaşlarının keçirdikləri əməliyyat tədbirləri nəticəsində, Hacıqabul şəhər sakini Rəşad Ağamalıyevdən 0,317 qram heroin və 1 ədəd şpris götürülmüşdür.