DIO əməkdaşları tərəfindən vətəndaşlardan narkotik vasitələr götürülmüşdür

15.03.2006

Baş Narkotiklərlə Mübarizə İdarəsi əməkdaşlarının keçirdikləri əməliyyat tədbirləri nəticəsində, Bakı şəhər sakini, əvvəllər məhkum olunmuş Həsən Vəliyev 0,313 qram heroini 200.000 manata satarkən tutulmuşdur. Baş Narkotiklərlə Mübarizə İdarəsinin Qərb Bölgəsində Regional Şöbəsi və Şəmkir RPŞ əməkdaşlarının keçirdikləri birgə əməliyyat tədbirləri nəticəsində, Tovuz rayon sakini İlqar Qədirov 1 kiloqram marixuananı satarkən tutulmuşdur. Nəsimi RPİ 20-ci PB əməkdaşlarının keçirdikləri əməliyyat tədbirləri nəticəsində, Neftçala rayon sakinləri Arzu Məmmədova və Rəhilə Əzimovadan 104,23 qram marixuana götürülmüşdür. Onlara narkotik maddəni satmış, Salyan rayon sakini, əvvəllər məhkum olunmuş Rauf Əsədov tutulmuşdur. Binəqədi RPİ 7-ci PB əməkdaşlarının keçirdikləri əməliyyat tədbirləri nəticəsində, narkotik maddə satışı ilə məşğul olan Bakı şəhər sakini Mehriban Məmmədova tutulmuşdur. M.Məmmədovanın evinə baxış zamanı 3,838 qram həşiş və 0,450 qram heroin aşkar edilərək götürülmüşdür. İmişli RPŞ əməkdaşlarının keçirdikləri əməliyyat tədbirləri nəticəsində, rayon sakini, əvvəllər məhkum olunmuş Azər Əhmədov 0,186 qram heroini 200.000 manata satarkən tutulmuşdur. Şəki ŞRPŞ əməkdaşlarının keçirdikləri əməliyyat tədbirləri nəticəsində, 5 qram narkotik vasitə olan marixuana ilə saxlanılmış Oqtay Əhmədovun evinə baxış zamanı əlavə olaraq 135 qram marixuana aşkar edilərək götürülmüşdür. Ağdam RPŞ əməkdaşlarının keçirdikləri əməliyyat tədbirləri nəticəsində, Bərdə şəhər sakini Elmir Salmanovdan 0,191 qram heroin götürülmüşdür.